ပုံရိပ်တို့၏ စွမ်းအား
image from google
ဒီနေ့ ဧည့်ခန်းသန့်ရှင်းရေးစောစောလုပ်ဖြစ်သည်။ နေ့တိုင်းလုပ်နေကျဖြစ်၍ အထူးတလည်လုပ်စရာမလိုပါ။ ကြမ်းခင်းသန့်ရှင်းပြီး ဓာတ်ပုံများချိတ်ထားသော နေရာကိုလုပ်ဖြစ်၏။အဘွား၏ပဌ္ဇင်းခံဆရာတော့်ပုံ၊အဘိုးပုံ၊ဆရာကြီးသခင်ကိုယ်တော်မှိုင်းပုံ၊ဗိုလ်ချုပ်အောင်ဆန်းပုံတို့ကိုဆရာတော်ကြီးပုံကိုအပေါ်မှထား၍ ကျန်သုံးပုံကိုအောက်မှာတန်းစီထားသည်။အဝတ်သန့်သန့်ဖြင့်သေချာသန့်ရှင်းပြီး အလုပ်ကိုလက်စသတ်လိုက်သည်။
စာအုပ်တစ်အုပ်ယူပြီး စားပွဲမှာထိုင်လိုက်သည်။ သုံးရွက်လောက်ဖတ်ပြီး ဓာတ်ပုံနှင့်ပတ်သတ်သောအတွေးတစ်ခုဝင်လာသည်။ ဘာကြောင့်ဓာတ်ပုံတွေကိုချိတ်ဆွဲထားကြတာလဲ။ တူညီသောအဖြေတစ်ခုကတော့ မိမိတို့ကြည်ညိုလေးစားချစ်ခင်သူတွေကို အမြဲအမှတ်ရနေစေရန်ဖြစ်သည်။ ကျွန်တော့်အတွေးကား ထိုထက်ပိုသည်။ အိမ်သို့လာသောသူများတွင် ဆရာတော်ကြီးပုံ၊ အဘိုးပုံနှင့်ဗိုလ်ချုပ်အောင်ဆန်းပုံတို့ကို တော်တော်များသိကြပြီး ဆရာကြီးသခင်ကိုယ်တော်မှိုင်းပုံကို သိပ်မသိကြပေ။လူကြီးပိုင်းများသာသိကြပြီးငယ်ရွယ်သူတော်တော်များမသိကြပေ။ သမိုင်းမေ့ကြသည့်ခေတ်ကာလ ဖြစ်သည်။
ကျွန်တော့်တို့ကြည်ညိုလေးစားချစ်ခင်သူများကို အိမ်မှာဓာတ်ပုံချိတ်ပြီးအမှတ်ရနေရုံနှင့်မပြီးသေးပါ။ ထိုပုဂ္ဂိလ်တို့၏ ကြိုးစားအားထုတ်ပုံတွေနှင့် အဆုံးအမတွေကိုပါ အမြဲအမှတ်ရနေရမည်ဖြစ်သည်။
ဆရာကြီးသခင်ကိုယ်တော်မှိုင်းသည် သီပေါမင်းတရားကြီးနှင့်မဟေသီစုဖုရားလတ်တို့ကို နန်းချဖမ်းဆီးခေါ်ဆောင်သွားပုံကို အသက်ဆယ်နှစ်သားအရွယ်တွင် မျက်မြင်ကိုယ်တွေ့ကြုံတွေ့ခဲ့ရသူဖြစ်သည်။ ထိုအချိန်မှစ၍ဆရာကြီးသည် နယ်ချဲ့တို့ကိုတွန်းလှန်လိုသည့် မျိုးချစ်စိတ်ဓာတ်တွေ ကိန်းအောင်းနေခဲ့သည်။အသက်၈၉နှစ်အရွယ် ကွယ်လွန်ခါနီးအချိန်အထိ ဆောင်းပါးများ၊ဋီကာများ၊ကဗျာများနှင့်ဟောပြောပွဲများကို မနားတမ်းပြုလုပ်ဆောင်ရွက်ပြီး မြန်မာပြည်သူလူထုကို မျိုးချစ်စိတ်ဓာတ်များပြန်လည်နိုးကြားလာအောင် ဆောင်ရွက်သွားခဲ့သည်။ ဆရာကြီး၏အတုယူစရာကောင်းလှသောစိတ်ဓာတ်ဖြစ်သည်။ မြန်မာ့လူငယ်တွေ အလုပ်လုပ်ကိုင်ရာတွင် ပထမအစကတော့ အင်တိုက်အားတိုက်လုပ်ဆောင်ကြသည်။ အခက်အခဲတွေ၊ကျရှုံးမှုတွေ ရှိလာတဲ့အခါ လက်မြှောက်အရှုံးပေးသွားကြသည်။ ကောက်ရိုးမီးတောက်လိုစိတ်ဓာတ်မျိုးဖြစ်နေကြသည်။ ဆရာကြီး ဟောပြောပွဲများပြုလုပ်ချိန်တွင် နယ်ချဲ့လက်ပါးစေတို့၏ အသက်အန္တရယ်ပြု နှောက်ယှက်မှုများကြုံတွေ့ခဲ့ရသည်။ အသက်ကို ပဓန မထားပဲမိမိရည်မှန်းချက်အတွက်ဆောင်ရွက်ခဲ့သည်။
ယခုမြန်မာနိုင်ငံတစ်လွှားတွင် မြို့တိုင်းနီးပါး၏ လမ်းစုံ၊မြို့လယ်နှင့် အထင်ကရနေရာများတွင် ဗိုလ်ချုပ်အောင်ဆန်းရုပ်ထုကို အမှတ်တရအနေဖြင့် စိုက်ထုနေကြသည်။ အလွန်ကောင်းမွန်သောလုပ်ရပ်ဖြစ်သည်။ သို့သော် ဗိုလ်ချုပ်ရုပ်ထုစိုက်ထူပြီး ကြည်ညိုလေးစားနေရုံနှင့် ကျေနပ်နေ၍မရပါ။ ဗိုလ်ချုပ်ဆုံးမခဲ့တာတွေကို အမြဲနှလုံးသွင်းနေကြရမည်။ ဗိုလ်ချုပ်ကြိုးစားခဲ့ပုံတွေကို
အမြဲအားကျအတုယူနေရမည်။ ဗိုလ်ချုပ်သည်လည်းပဲိအသက်ကိုပဓန မထားပဲ မိမိရည်မှန်းချက်ဖြစ်တဲ့ တိုင်းပြည်လွတ်လပ်ရေးအတွက်ဆောင်ရွက်ခဲ့သည်။
ကျွန်တော့်နေအိမ်ရှိ ဓာတ်ပုံအကြောင်းမျှသာဖြစ်သည်။ တစ်ချို့အိမ်များမှာ စစ်သူကြီးမဟာဗန္ဓုလ ပုံချိတ်ထားသည်။ စစ်သူကြီးစီးထားသောမြင်းက ရှေ့ခြေထောက်နှစ်ချောင်းကိုမြှောက်ထားသည်။ စစ်ပွဲမှာကျဆုံးခဲ့ရသည့် အမှတ်အသားဖြစ်သည်ဟုသိရသည်။ ဗိုလ်ချုပ်မြင်းစီးရုပ်တွင် ရှေ့ခြေထောက်တစ်ချောင်းမြှောက်ထားသည်မှာ လုပ်ကြံခံရသည့် အမှန်အသားဖြစ်သည်။ ဘောလုံးအားကစား ဝါသနာပါသူများအိမ်တွင် ပီလီ၊ မာရာဒိုနာ၊ ဘက်ခမ်း၊ မက်ဆီ၊ ရော်နယ်ဒို စသည့်မိမိတို့ကြိုက်နှစ်သက်ရာ ကစားသမားပုံတွေချိတ်ထားကြသည်။ဂီတဝါသနာပါသူဆို ထူးအိမ်သင်၊ဒိုးလုံး၊မျိုးကြီး၊အငဲ စသည့်တို့၏ပုံများရှိကြသည်။သိပ္ပံတွင်ဝါသနာပါသူက နယူတန်၊ အိုင်စတိုင်းပုံများချိတ်ထားကြသည်။
ဆရာဇော်ဂျီနှင့်ဆရာမင်းသုဝဏ်တို့ နှစ်ယောက်ပေါင်းရေးသားထားသော ခရီးသည်ဆိုတဲ့စာအုပ်မှ ဆရာဇော်ဂျီ၏ ရုပ်ထုတို့ထားရှိခြင်းအပေါ်သုံးသပ်ချက်မှာ
" ရှူမြင်သူတို့၏ စိတ်ဓာတ်ကိုကား မပြုပြင်ဘဲနေမည်မဟုတ်။ ပြုပြင်ပေးလျက်နေမည်ကား မလွဲတည်း။ အနည်းဆုံး လူငယ်လူရွယ်တို့၏ စိတ်ဓာတ်ကို ပြုပြင်ပေးမည်ကား မလွဲတည်း" ဟူ၍ဖြစ်သည်။ လူတစ်ဦး၏ဗီဇ၊ဝါသနာ၊ခံယူချက်နှင့်ရည်မှန်းချက်တို့သည် တစ်ဦးနှင့်တစ်ဦးတူညီမည်မဟုတ်ပေ။ ထို့ကြောင့် စံပြထားကြည်ညိုလေးစားမည့်ပုဂ္ဂိုလ်တို့သည်လည်းတူညီမည်မဟုတ်ပေ။ သို့သော်လည်းတူညီရမည့်အချက်မှာ ထို့စံပြပုဂ္ဂိုလ်၏ အဆုံးအမ၊ ကြိုးစားအားထုတ်ပုံတို့ကို မိမိတို့စိတ်မှာအမြဲနှလုံးသွင်းကြိုးစားနေထိုင်သွားကြရန်တိုက်တွန်းလိုက်ရပါသည်။
naylinn
msc 196
Steemit မှမိတ်ဆွေအပေါင်းချမ်းသာကိုယ်စိတ်မြဲပါစေ။
Leave ပုံရိပ်တို့၏ စွမ်းအား to:
Best Posts From Nay Linn
We have not curated any of naylinn's posts yet. But you can encourage our curation team to review posts by visiting them regularly and by referring other readers. Because we give priority to frequently read content.