ଚଳିତ ମାସ ଦୁଇଦିନିଆ ଗସ୍ତରେ ଭାରତ ଆସୁଛନ୍ତି ଡୋନାଲ୍ଡ ଟ୍ରମ୍ପ

ନୂଆଦିଲ୍ଲୀ(ଏଟିଆର ବ୍ୟୁରୋ): ଆମୋରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚଳିତ ମାସ ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି । ଏନେଇ ଆମୋରିକା ରାଷ୍ଟ୍ରପତି ଭବନ ହ୍ୱାଇଟ ହାଉସ ପକ୍ଷରୁ ସୂଚନା ଦିଆଯାଇଛି ।

ଚଳିତ ମାସ ୨୪ ଓ୨୫ ତାରିଖରେ ଟ୍ରମ୍ପ ଓ ତାଙ୍କ ପତ୍ନୀ ମେଲାନିଆ ଭାରତ ଅସୁଛନ୍ତି । ଭାରତ ଗସ୍ତ ବେଳେ ଟ୍ରମ୍ପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିବେ । ଗତ ସେପ୍ଟେମ୍ବର ମାସରେ ଟେକ୍ସାସରେ ହୋଇଥିବା ହାଓଡି ମୋଦି କାର୍ଯ୍ୟକ୍ରମରେ ମୋଦି ଟ୍ରମ୍ପଙ୍କୁ ଭାରତ ଗସ୍ତ ପାଇଁ ନିମନ୍ତ୍ରଣ କରିଥିଲେ ।

ଟ୍ରମ୍ପଙ୍କ ଗସ୍ତକୁ ନେଇ ଗତ ଜାନୁଆରୀ ୧୬ ତାରିଖରେ ଭାରତ ବୈଦେଶିକ ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର ଓ ଆମୋରିକା ପ୍ରତିପକ୍ଷ ମଧ୍ୟରେ ଆଲୋଚନା ହୋଇଥିଲା । ତେବେ ଟ୍ରମ୍ପ ପ୍ରଥମ ଥର ପାଇଁ ଭାରତ ଗସ୍ତ କରୁଛନ୍ତି । ଟ୍ରମ୍ପ ଓ ତାଙ୍କ ପତ୍ନୀ ଗୁଜୁରାଟ ଯିବାର କାର୍ଯ୍ୟକ୍ରମ ଅଛି । ଏହା ସହ ଅହମ୍ମଦାବାଦ ସ୍ଥିତ ମୋଟରା ଅଞ୍ଚଳରେ ଥିବା ସର୍ଦାର ପଟେଲ କ୍ରିକେଟ ଷ୍ଟାଡିୟମ ଟ୍ରମ୍ପ ଉଦଘାଟନ କରିବେ ବୋଲି ଚର୍ଚ୍ଚା ହେଉଛି । ଟ୍ରମ୍ପଙ୍କ ଏହି ଗସ୍ତ ଭାରତ ଓ ଆମୋରିକାର ସମ୍ପର୍କକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି ।