USA အတွေ့အကြုံများ
ကိုယ်ကလည်း ကလေးအမေဆိုတော့ ဒီရောက်မှ ကလေးနဲ့ပတ်သက်တာလေးတွေ လိုက်ကြည့်ဖြစ်တယ်။ ကလေးတွေကိုဘယ်လိုထားလဲဆိုတာ လေ့လာဖြစ်တယ်။ နည်းနည်းပါးပါးပေါ့နော့။
မနက်နဲ့ညနေတိုင်း လိုက်ငေးဖြစ်တာက ကိုယ့်အိမ်ရှေ့ကဖြတ်သွားတဲ့ကျောင်းကားဝါဝါကြီးတွေ။ ကျောင်းကားက ကျောင်းသားတွေတက်ရင်ပဲဖြစ်ဖြစ် ဆင်းရင်ပဲဖြစ်ဖြစ် ရပ်တဲ့အခါ ကားရဲ့ဘေးတဖက်တချပ်ကနေ STOP ဆိုတဲ့အနီရောင်ဆိုင်းဘုတ်ဝိုင်းလေးက အော်တိုထွက်လာတယ်။ ကားဘေးမှာတခု ကားအနောက်ဘက်မှာတခု။ အဲ့လိုကျောင်းကရပ်လိုက်ပြီဆိုရင် အနောက်ကကားတွေအကုန်ကလည်းရပ်ပေးရတယ်။ အနောက်ကကားတင်မဟုတ်ဘူး။ မျက်နှာချင်းဆိုင်လာနေတဲ့ကားတွေလည်းရပ်ပေးရတယ်။ မျက်နှာချင်းဆိုင်ကားတွေက ရပ်တာတောင်နော် အတော်လှမ်းလှမ်းကနေရပ်တာ။ ကားပေါ်က ကလေးတွေကဆင်းပြီးသွားပြီ ကျောင်းကားကလည်းပြန်ထွက်ပြီဆိုမှ အနောက်ကကားတွေရော မျက်နှာချင်းဆိုင်ကကားတွေရော ပြန်ထွက်ကြတယ်။ နောက်ပြီး ကျောင်းကားကိုကျော်ပြီး အတင်းလုမောင်းတာတို့ လက်ညှိုးတချောင်းထုတ်ပြီး လမ်းတောင်းတာတို့လည်း မမြင်မိဘူး။ သိပ်သဘောကျတာပဲ။
နောက်တခုက အဖြစ်အပျက်လေးတခုပေါ့လေ။ မူလတန်းကျောင်းတခုမှာ ကလေးတယောက်ကသနပ်ခါးလိမ်းပြီး ကျောင်းလာတယ်။ ဒါတောင်ပါးကွက်တွေဘာတွေကွက်တာမဟုတ်ဘူး။ မြန်မာကလေးဖြစ်မယ်ထင်တယ်။ ဒီမှာရာသီဥတုကအေးတယ်မဟုတ်လား။ သနပ်ခါးလိမ်းထားတော့ ပတ်ကြားအက် တွေဖြစ်နေမှာပေါ့။ ကလေးက ပါးစပ်ကြီးဟပြီး တင်းနေတာလျှော့တယ်ထင်တယ်။ ခနခနလုပ်နေတော့ ဆရာမကမြင်ပြီး ကလေးကိုသေချာကြည့်တယ်။ မေးတယ်။ နောက်ပြီး ဆရာဝန်ဆီတန်းခေါ်သွားတော့တာပဲ။ ဆရာဝန်က ကလေးကိုမျက်နှာသစ်ပေး ခရင်မ်တွေလိမ်းပေးနဲ့။ ပြီးတော့ ဒီလိမ်းတဲ့အရာဘယ်ကလာတယ်ဆိုတာစုံစမ်းခိုင်းတယ်။ သက်ဆိုင်ရာရဲတပ်ဖွဲ့ဆိုလား လိုက်စုံစမ်းတယ်။ ဒါကိုဘယ်ဆိုင်မှာရောင်းလဲဆိုပြီး။ တွေ့ပါလေရော မြန်မာဆိုင်။ ရောင်းတာကရွှေပြည်နန်းသနပ်ခါးတွေ။ ဖိုးဝသနပ်ခါးတွေ။ ဒီမှာ အဲ့လိုသနပ်ခါးတွေလိမ်းသူမရှိဘူးလို့ မထင်လေနဲ့။ အတော်များများလိမ်းကြတာ မျက်မြင်ကိုယ်တွေ့ပဲ။ အဲ့တော့စစ်ဆေးရေးအဖွဲ့ကစစ်ပါလေရော။ သနပ်ခါးဘူးတွေ အထုပ်တွေကိုယူသွားပြီး ဘာတွေပါနေလဲဆိုတာစစ်တယ်ထင်တယ်။ နောက်နေ့ကိတော့ ချက်ချင်းအကြောင်းပြန်တယ်။ မျက်နှာပေါ်လိမ်းဖို့မသင့်တော်တဲ့ ဓါတ်တမျိုးပါတဲ့အတွက် ရောင်းချခွင့်ပိတ်။ ဘယ်ကလေးမှ မျက်နှာပေါ်သနပ်ခါးမလိမ်းရ။ အစိုဓါတ်ပါတဲ့ ခရင်မ်သာလိမ်းရမယ်ဆိုပြီး ဖြစ်သွားတယ်။ ကိုယ်တွေအတွက်တော့ အံ့သြစရာပေါ့လေ။ ကလေးတယောက်သနပ်ခါးလိမ်းလာတာနဲ့ ဆရာဝန်တွေ စစ်ဆေးရေးတွေအကုန်အလုပ်ရှုပ်ကုန်တယ်။ တယောက်တလေပဲဟာ နောက်နေ့မလိမ်းလာနဲ့လို့ ဆရာမကပြောလိုက်ရင် ရနေတာကိုနော့။ ကလေးဆိုရင် အဲ့လိုတန်ဖိုးထားတယ်။
နောက်တခုက ဆောက်လက်စအဆောက်အဦးထဲကို ကလေးဝင်ခွင့်မရှိဘူး။ ဆောက်လက်စဆို မပြီးသေးတဲ့အဆောက်အဦ အကုန်ပါတယ်။ ဘေးပတ်လည်ကာရံပြီးလုပ်တယ်။ အိမ်ထဲမှာအကြီးစားပြင်ဆင်မှုလုပ်ရင်လည်း တံခါးပိတ်ပြီးလုပ်ရတယ်။ တကယ်လို့ အဲ့လိုနေရာမှာ ကလေးကိုတွေ့ရင် ပိုင်ရှင်ကိုထောင်ချတယ်တဲ့။ ကလေးတယောက်တည်း လမ်းမှာတွေ့ရင် မိဘကိုဒဏ်ရိုက်သေးတာ။ ကိုယ်တွေမှာလေ အထူးအဆန်းတွေဖြစ်လို့။ ကလေးတွေကို အရမ်းဂရုစိုက်ကြတာရယ်။ ကလေးတွေအတွက် အန္တရာယ်ဖြစ်နိုင်မယ့်အရာတွေဆိုရင် ဥပဒေနဲ့ ကြိုတင်ကာကွယ်ပေးပြီးသား။ အင်းးးးးး
စုမွန်သွယ် msu057
Leave USA အတွေ့အကြုံများ to:
Best Posts From SU MON THWE
We have not curated any of sumonthwe's posts yet. But you can encourage our curation team to review posts by visiting them regularly and by referring other readers. Because we give priority to frequently read content.